جيت ياكثر السوالف والقصايد= الدلال مبهرة لعيون غاده
جيت اسامرها واحط لها وسايد= من شجون قتلها للبرد عاده
جيت اغني والغلا كله وقايد= عل ذيك النار ماتصبح رماده
جيت ابي من وصلها جروحٍ جدايد= القديمة ملها الليل وسواده
مثل ماملت عتيقات القلايد= وجيت البسها من اشعاري قلاده
غيرها ما أبي رخا وقت الشدايد= ولا تبي لاحدٍ بعاشقها شهاده
ان رضت ماظني رضا الناس كايد= ولو تضايق ضاع مفتاح السعاده
كم لقيت اللي لقيت من النقايد= من نصيبٍ طولت كبوة جواده
كم قضا ليلي وانا اطارد شرايد= الدموع لحاف والهاجس وساده
لاعني التحنان ما للصبر فايد= قلت اسوق الدرب يكفيني جلاده
وجيت اصب الشوق يوم الشوق زايد= عل خاطرها خذا منه مراده
والا انا لي تالي اللقيا عوايد= قهوتي من جمرها سكر زياده
الشاعر/ ناصر القحطاني
الأربعاء مايو 07, 2008 6:42 pm
